“İpoteka haqqında” Qanuna ediləcək dəyişikliklər müzakirə olunub

9 avqust 2017-ci il tarixində Azərbaycan Banklar Assosiasiyasının “Hüquq Məsələləri üzrə” Ekspert Qrupunun növbəti iclası keçirilib.

İclas zamanı  “Azərbaycan Respublikasının Mülki Məcəlləsində dəyişikliklər edilməsi haqqında”, “İpoteka haqqında” Azərbaycan Respublikasının Qanununda dəyişikliklər edilməsi barədə” və “İcra haqqında” Azərbaycan Respublikasının Qanununda dəyişikliklər edilməsi haqqında” Azərbaycan Respublikası Qanun layihələri ilə bağlı rəy və təkliflər müzakirə olunub.

“İpoteka haqqnda” qanunda dəyişiklik ondan ibarətdir ki, artıq ipoteka predmeti məhkəmədən kənar tutuma yönəldilə biləcək və həmçinin yeni layihə məhkəmədən kənar tutmada seçim mexanizmini müəyyən edir. Belə ki, yeniliyə əsasən girov əmlakının açıq bazarda satılması və ya “İcra haqqında” AR Qanununa uyğun olaraq birbaşa icra məmuru tərəfindən açıq hərracda realizasiyası mümkün olacaq.

İclasda, həmçinin təkrar hərracların müddətinin azaldılması, ipoteka predmetinə tutmanın yönəldilməsi haqqında bildirişin verilmə mexanizmi və bu məsələlərlə bağlı digər qanunvericilik aktlarına dəyişikliklər barədə təkliflər müzakirə olunub.

MÜDDƏT