“Nağdsız Azərbaycan” layihəsinin təqdimatı keçirilib

20 iyul 2017-ci il tarixində Azərbaycan Mərkəzi Bankı ilə “MasterCard Worldwide” beynəlxalq kart təşkilatının birgə əməkdaşlığı çərçivəsində həyata keçiriləcək “Nağdsız Azərbaycan” layihəsinin təqdimatı keçirilmişdir.

İclasda Azərbaycan Banklar Assossiasiyasının (ABA) İcraçı direktoru Yunus Abdulov, Mərkəzi Bankın Ödəniş Sistemlərinin İnkişaf Siyasətinin Hazırlanması Şöbəsinin rəhbəri Ramil Mahmudov, Maliyyə Bazarlarına Nəzarət Palatasının Ödəniş Sistemlərinə Nəzarət Sektorunun rəhbəri Tamerlan Rüstəmov, ABA-nın “Ödəniş sistemləri və Alternativ Xidmət Kanalları üzrə” Ekspert Qrupunun sədri Məhəmməd Məmmədov,  “MasterCard Worldwide”-ın nümayəndələri Alper Meric, Firat Sabit, Eren Ozkan və Yiğit Cağlayan, həmçinin ABA-ya üzv olan bankların nümayəndələri iştirak etmişlərdir.

İclasda bildirilib ki, Mərkəzi Bank tərəfindən ölkə iqtisadiyyatında yüksək nağdlaşmanı şərtləndirən fundamental amillərin geniş diaqnostikası, qeyri-neft sektorunun aparıcı sahələri üzrə nağd iqtisadiyyatın həcminin ölçülməsi, iqtisadiyyatda nağd pul dövriyyəsinin azaldılması və nağdsız ödənişlərin inkişafı məqsədilə “MasterCard Worldwide” beynəlxalq kart təşkilatı ilə  cari ilin fevral ayından yeni layihəyə start verilmişdir.

“Nağdsız Azərbaycan” layihəsi 3 mərhələdən ibarət olmaqla, birinci mərhələ  cari vəziyyətin qiymətləndirilməsi və nağd iqtisadiyyatın həcminin ölçülməsi, ikinci mərhələsi strategiyanın müəyyənləşdirilməsi və üçüncü mərhələsi isə detallı fəaliyyət proqramının  hazırlanmasından ibarətdir. Artıq layihənin birinci mərhələsi üzrə işlər tamamlanmışdır.

İclasda “MasterCard Worldwide” nümayəndələri hazırki global trendlər,  regiondakı vəziyyət, Azərbaycanın buradakı yeri və ölkədə nağdsız mövcud potensial haqqında məlumat vermişdirlər. Bundan əlavə bu potensialın reallaşdırılması ilə bağlı mümkün çıxış yolları təklif edilmişdir və banklarla birgə müzakirə edilmişdir.

Xatırladaq ki,  Azərbaycan Respublikası Prezidentinin 2016-cı il 6 dekabr tarixli Fərmanı ilə təsdiq edilmiş “Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsi”ndəAzərbaycan Mərkəzi Bankına rəqəmsal ödənişlərin genişləndirilməsi üzrə aidiyyatı hökümət qurumları ilə birlikdə beynəlxalq təcrübənin araşdırılaraq Azərbaycanda tətbiqi perspektivlərinə dair müvafiq təkliflərin hazırlanması tapşırılmışdır.

MÜDDƏT