12 sentyabr 2019-cu il tarixində Azərbaycan Banklar Assosiasiyasının (ABA) “Komplayns” Ekspert Qrupunun “Bank hesablarının açılması, aparılması və bağlanması Qaydaları” (bundan sonra Qayda) ilə bağlı növbəti görüşü keçirilib.
Görüşdə müvəkkil bankların rəhbər vəzifəli şəxslərilə yanaşı Vergilər Nazirliyinin və Maliyyə Bazarlarına Nəzarət Palatasının rəsmiləri də iştirak edib.
Görüş zamanı müvafiq Qaydada nəzərdə tutulan məsafədən bank hesablarının açılması, məsafədən açılan hesablarda FATCA/CRS anketlərinin imzalanması və həmin Qaydadan irəli gələn digər məsələlər müzakirə edilib.
