09 dekabr 2021-ci il tarixində Azərbaycan Banklar Assosiasiyası (ABA) nəzdində fəaliyyət göstərən “Komplayns Ekspert Qrupu”nun növbəti onlayn görüşü keçirilib.
Görüş zamanı 2018-ci ildə hazırlanan “Beynəlxalq sanksiyalara” dair tövsiyə sənədinin və yeni hazırlanan “Özünəxidmət terminalları vasitəsilə nağd pul vəsaiti ilə mədaxil əməliyyatlarında baş verə biləcək risklərin idarə edilməsi üzrə praktiki tövsiyələr” sənədinin müzakirəsi aparılmışdır. Əlavə olaraq görüşdə Mərkəzi Bank tərəfindən banklara göndərilən məktubun müzakirəsi aparılmışdır.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 26 bank və 5 qeyri-bank təşkilatı ABA-nın üzvüdür.