IV BEYNƏLXALQ BANKÇILIQ FORUMU – NAĞDSIZ İQTİSADİYYAT: DAYANIQLI BANKÇILIĞA DOĞRU 06-07 noyabr 2019-cu il tarixində Bakıda keçiriləcək. (Forumun rəsmi səhifəsihttps://www.gbmevents.az/en/event/the-fourth-international-banking-forum).
Qeyd edək ki, Forum MASTERCARD-la tərəfdaşlıqda və Azərbaycan Banklar Assosiasiyası, Mərkəzi Bank, Maliyyə Bazarlarına Nəzarət Palatası və İqtisadi İslahatların Təhlili və Kommunikasiyası Mərkəzinin dəstəyi ilə keçirilir.
Forumun videosu ilə tanış olmaq üçün keçidə daxil ola bilərsiniz: https://www.youtube.com/watch?v=-Vah_ztnDXs
İki günlük Beynəlxalq Forum Bakıda keçirilən iki illik tədbirdən biri olmaqla (digər tədbir hər ilin may ayında keçirilən FINTEX SAMMIT-dir:https://www.gbmevents.az/en/events ) regionun ən nüfuzlu maliyyə-bank tədbiridir.
Forumun məqsədi iqtisadiyyatın nağdsızlaşdırılması ilə bağlı təşəbbüslərin və qarşıdakı çağırışların, rəqəmsallaşma, maliyyə texnologiyalarına dair mövcud vəziyyət, yeni və gələcək trendlərin, müasir bank məhsullarının, komplayns sahəsindəki yeniliklər və risklərin, həmçinin sadalananların mövcud hüquqi çərçivəyə uyğunluğu və adaptasiyası imkanlarının, bu proseslərin bankların maliyyə dayanıqlığının daha da gücləndirilməsinə təsiri məsələlərinin, eləcə də digər əlaqədar mövzuların müzakirə edildiyi platforma olmaqdır.
Forum maliyyə-bank sahəsində tənzimləyici və nəzarət orqanlarının rəhbərlərini, kommersiya banklarının və maliyyə sektorunun digər iştirakçılarının yuxarı menecmentini, yerli və xarici biznes və ictimai təşkilatların rəhbərlərini, digər qərar qəbulediciləri, influenserləri, beynəlxalq maliyyə institutlarının və xarici ölkələrin Azərbaycandakı səfirliklərinin, akademik dairələrin nümayəndələrini, maliyyə və bankçılıq sahəsinə aid məhsul və xidmətlər təklif edən xarici və yerli şirkətlərdən iştirakçıların bir araya gəldiyi məkandır.
Bildirək ki, Forum çərçivəsində müxtəlif əlaqədar tədbirlərin və mitupların keçirilməsi də nəzərdə tutulur.
III Beynəlxalq Bankçılıq Forumu və FİNTEX SAMMİTİN saytı və videosu ilə aşağıdakı keçidlərə daxil olaraq tanış ola bilərsiniz:
- https://www.gbmevents.az/en/event/the-third-international-banking-forum
- https://www.gbmevents.az/en/event/fintex-summit-finance-and-technology-summit
- https://www.youtube.com/watch?v=GXttOv9RlxY
- https://www.youtube.com/watch?v=4edz27Cdc34
Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını təmsil etmək, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 29 bank və 4 qeyri-bank təşkilatı ABA-nın üzvüdür.