14 İyun 2023-cü il tarixində “FİNTEX SAMMİT 2023” – MALİYYƏ VƏ TEXNOLOGİYALAR SƏRGİSİ çərçivəsində Azərbaycan Banklar Assosiasiyası (ABA) ilə Beynəlxalq Maliyyə Korporasiyası (IFC) arasında yaxşı ESG və dayanıqlı maliyyənin təşviqinə kömək olmaq məqsədilə əməkdaşlığa dair saziş imzalanmışdır.
Sazişi ABA-nın icraçı direktoru Yunus Abdulov və IFC-nin Cənubi Qafqaz üzrə regional meneceri Ivana Fernandes Duarte imzalamışdır.
Qeyd edək ki, ABA ilə IFC arasında imzalanmış saziş təşkilatın Avropada İsveçrə İqtisadi Məsələlər üzrə Dövlət Katibliyi (SECO) ilə əməkdaşlığı çərçivəsində İnteqrasiya edilmiş Ekoloji, Sosial, İdarəetmə Standartları vasitəsilə İnvestisiyaların Təşviqi Proqramından irəli gələn məsələlərin Azərbaycanda da icrasını əhatə etməkdədir. Proqram isə ətraf mühitin cari vəziyyətini, sosial və korporativ idarəetmə təcrübələrini təkmilləşdirməyi və s. hədəfləyir.
