Məlum olduğu kimi, BVF 1-12 fevral 2021-ci il tarixlərində Azərbaycanda virtual komissiya təşkil etmişdir. Komissiya son iqtisadi, fiskal, maliyyə irəliləyişləri və ortamüddətli prespektivlər, siyasi təşəbbüslər və planların müzakirəsi məqsədi ilə təşkil olunmuşdur. Komissiyaya Azərbaycan üzrə missiya rəisi Natalya Tamirisa həmçinin Fondun Orta Şərq və Mərkəzi Asiya bölməsinin iqtisadçıları Jiri Jonas, Gustavo Ramirez, Amine Yaaqoubi, Maliyyə İşləri şöbəsindən Jean-François Wen, Maliyyə və Kapital Bazarları departamentindən Yijhi Xu, Statistika departamentindən isə Noriaki Kinoshita rəhbərlik etmişdir.
Belə görüşlərdən biri də 9 fevral 2021-ci il tarixində Azərbaycan Banklar Assosiasyası ilə Beynəlxalq Valyuta Fondunun nümayəndələri arasında keçirilmişdir.
Azərbaycan Banklar Assosiasyası ilə Beynəlxalq Valyuta Fondunun nümayəndələri arasında keçirilən görüşün əsas məqsədi bu missiya daxilində bank sisteminin sağlamlığı, COVID paketi, kredit inkişafının prespektivlərinin müzakirəsi olmuşdur. Görüşdə həmçinin bank sektorundakı son irəliləyişlərə ümumi baxış, Covidin bank sektoruna təsiri, əmanət sığortası, maliyyə sektoruna nəzarət və tənzimləmə kimi mövzulara toxunulmuşdur.
Qeyd edək ki, bu kimi görüşlər illik əsasda aparılmaqdadır