Məlum olduğu kimi, ölkədə Covid-19 infeksiyasının yayılması davam etməkdədir. Ödəniş terminalları, o cümlədən bankomat, POS-terminal, özünəxidmət terminallarından istifadə zamanı yaranan növbələr və viruslu səthlərlə təmas vətəndaşların infeksiyaya yoluxma riskini daha da artırır.
Bu təhlükənin qarşısının alınması istiqamətində görüləcək təxirəsalınmaz tədbirlərin müzakirəsi məqsədilə 2 iyul 2020-ci il tarixində Azərbaycan Respublikasının Mərkəzi Bankının nümayəndələrinin iştirakı ilə Azərbaycan Banklar Assosiasiyasının nəzdindəki “Ödəniş Sistemləri və Rəqəmsal Bankçılıq üzrə Ekspert Qrupu”nun onlayn görüşü keçirilmişdir.
Müzakirə zamanı ekspertlər görüləcək tədbirlərlə əlaqədar fikir mübadiləsi aparmış və atılacaq addımlar müəyyənləşdirilmişdir.