19 fevral 2021-ci il tarixində Azərbaycan Banklar Assosiasiyasının (ABA) Ümumi yığıncağı keçirilmişdir. Onlayn formatda baş tutan yığıncaqda həmçinin, Azərbaycan Banklar Assosiasiyasının (ABA) təşkilatçılığı ilə “Bankçılıq Mükafatları-2019 – 2020” adlı tədbiri də baş tutmuşdur.
ABA-ya üzv təşkilatların müxtəlif nominasiyalar üzrə mükafatlandırılması məqsədilə keçirilən tədbirdə kommersiya banklarının yuxarı menecmenti, ABA-nın nəzdində fəaliyyət göstərən Ekspert qruplarının rəhbərləri və ekspertlər iştirak edib.
Mükafatlandırma mərasimində qeyd edilib ki, 2019 – 2020-ci illərdə banklar tərəfindən çoxsaylı korporativ sosial məsuliyyət layihələri, eləcə də təhsil və maliyyə savadlılığının dəstəklənməsi tədbirləri reallaşdırılıb. Həmçinin, ABA-ya üzv banklar tərəfindən hərbiçilərimizin və düşmən təxribatı nəticəsində zərər dəymiş mülki vətəndaşlarımızın dəstəklənməsi istiqamətində çoxsaylı işlər görülmüş və tədbirlər həyata keçirilmişdir. ABA, bütün bu istiqamətlər üzrə həyata keçirilən layihələri qiymətləndirərək müxtəlif nominasiyalar üzrə ən fəal bankları seçib.
Belə ki, 2020-ci il üçün “Korporativ sosial məsuliyyət” nominasiyası üzrə “Azərbaycan Beynəlxalq Bankı” ASC, “Bank of Baku” ASC, “Bank Respublika” ASC, “Expressbank” ASC, “Xalq Bank” ASC, “Kapital Bank” ASC, “PAŞA Bank” ASC, “Rabitəbank” ASC, “TuranBank” ASC, “Unibank” KB ASC, “Yelo Bank” ASC, “Yapı Kredi Bank Azərbaycan” QSC, “Ziraat Bank Azərbaycan” ASC, Bank BTB ASC mükafatlandırılıb.
“Ən fəal maliyyə savadlılığı dəstəkçisi” nominasiyası üzrə “Azərbaycan Beynəlxalq Bankı” ASC, “Bank of Baku” ASC, “Kapital Bank” ASC mükafata layiq görülüb.
“Ən fəal təhsil dəstəkçisi” nominasiyası üzrə isə “Azərbaycan Beynəlxalq Bankı” ASC, “Expressbank” ASC, “Kapital Bank” ASC, “PAŞA Bank” ASC, “Rabitəbank” ASC, “Unibank” KB ASC, “Yelo Bank” ASC təltif edilib.
“Kiçik və Orta Biznesin maliyyə əlçatanlığının artırılması ilə əlaqədar tədbirlər keçirmiş ABA üzvü” nominasiyası üzrə “Azər Türk Bank” ASC, “Azərbaycan Beynəlxalq Bankı” ASC, “PAŞA Bank” ASC, “Rabitəbank” ASC təltif edilib.
“Nağdsız ödənişlərin təşviqi sahəsində tədbirlərlə fərqlənən ABA üzvü” nominasiyası üzrə “Azərbaycan Beynəlxalq Bankı” ASC , “Bank of Baku” ASC, “Expressbank” ASC, “Kapital Bank” ASC, “PAŞA Bank” ASC mükafatlandırılıb.
“Elektron Bankçılıq” nominasiyası üzrə “Azər Türk Bank”ASC, “Bank of Baku” ASC, “Bank Respublika” ASC, “Kapital Bank” ASC, “PAŞA Bank” ASC, “Rabitəbank”ASC, “Unibank” KB ASC mükafatlandırılıb.
“Bank-maliyyə sahəsində araşdırmalar və yazılarla çıxış edən bank ekspertləri” nominasiyası üzrə ABA-nın eksperti Elman Sadıqov və “Rabitəbank” ASC-nin Müşahidə Şurası Sədrinin müavini Aydın Hüseynov təltif edilib.
Son olaraq, 2020-cu il üçün “Ən fəal ekspert qrupu” nominasiyası üzrə:
- “Ödəniş sistemləri və rəqəmsal bankçılıq üzrə” Ekspert qrupu 1-ci yer;
- “Hüquqi məsələlər üzrə” Ekspert Qrupu 2-ci yer;
- “Risklərin idarə edilməsi üzrə” Ekspert Qrupu isə 3-cü yerə layiq görülüb.
Həmçinin “Fəal ekspert qrupu” nominasiyası üzrə “Kredit işi üzrə” və “İnsan resurslarının idarə edilməsi üzrə” Ekspert Qrupları mükafatlandırılıb.
2019-cu il üçün isə “Korporativ sosial məsuliyyət” nominasiyası üzrə “AFB Bank” ASC, “Azərbaycan Beynəlxalq Bankı” ASC, “Bank BTB” ASC, “Bank of Baku” ASC, “Bank Respublika” ASC, “Expressbank” ASC, “Xalq Bank” ASC, “Kapital Bank” ASC, “PAŞA Bank” ASC, “Rabitəbank” ASC, “Unibank” KB ASC, “Yelo Bank” ASC mükafatlandırılıb.
“Ən fəal maliyyə savadlılığı dəstəkçisi” nominasiyası üzrə “Azərbaycan Beynəlxalq Bankı” ASC, “Bank Respublika” ASC, “Expressbank” ASC, “Rabitəbank” ASC, “TuranBank” ASC mükafata layiq görülüb.
“Ən fəal təhsil dəstəkçisi” nominasiyası üzrə isə “Azər Türk Bank” ASC, “Bank of Baku” ASC, , “Bank Respublika” ASC, “Bank VTB (Azərbaycan)” ASC, “Kapital Bank” ASC, “PAŞA Bank” ASC, “Rabitəbank” ASC təltif edilib.
“Kiçik və Orta Biznesin maliyyə əlçatanlığının artırılması ilə əlaqədar tədbirlər keçirmiş ABA üzvü” nominasiyası üzrə “AccessBank” QSC, “Bank Respublika” ASC, “Ziraat Bank Azərbaycan” ASC təltif edilib.
“Bank-maliyyə sahəsində araşdırmalar və yazılarla çıxış edən bank nümayəndəsi” nominasiyası üzrə “Azərbaycan Beynəlxalq Bankı” ASC-nin nümayəndəsi Əli Dadaşzadə təltif edilib.
“Nağdsız ödənişlərin təşviqi sahəsində tədbirlərlə fərqlənən ABA üzvü” nominasiyası üzrə “Bank Respublika” ASC mükafatlandırılıb.
Daha sonra ABA-nın fəaliyyətinin əsas istiqamətlərindən birini təşkil edən, Assosiasiyanın nəzdində çalışan Ekspert Qruplarının il ərzindəki fəaliyyətlərinin qiymətləndirilməsinin nəticələri açıqlanıb və il ərzində ekspert qruplarının hər biri çox yüksək səviyyədə və peşəkarlıqla fəaliyyət göstərdiyi, bank sektoruna aid ümumi məsələlərin həllinə əhəmiyyətli töhfələr verdiyi vurğulanıb.
Beləliklə, 2019-cu il üçün “Ən fəal ekspert qrupu” nominasiyası üzrə , “Hüquqi məsələlər üzrə” Ekspert Qrupu, “Ödəniş sistemləri və rəqəmsal bankçılıq üzrə“ Ekspert Qrupu, “Komplayns üzrə” Ekspert Qrupu, Xəzinədarlıq və Fondların İdarə Olunması üzrə Ekspert Qrupumükafata layiq görülüb.
