05 aprel 2016-cı il tarixdə Azərbaycan Banklar Assosiasiyasının təşkilatçılığı ilə “Anti-böhran idarəetməsində beynəlxalq təcrübə” mövzusunda Forum keçirilmişdir.
Forumda Maliyyə Bazarlarına Nəzarət Palatasının Direktorlar Şurasının sədri cənab Rüfət Aslanlı, Azərbaycan Banklar Assosiasiyasının prezidenti cənab Zakir Nuriyev, eyni zamanda ölkədə fəaliyyət göstərən kommersiya bankları və sığorta şirkətlərinin rəhbərləri iştirak etmişlər.
Tədbirdə Türkiyə Bank Nəzarəti və Tənzimlənməsi Agentliyinin və Əmanətlərin Sığortalanması Fondunun sabiq rəhbəri, Koçbank-ın sabiq baş inzibatçısı (CEO) cənab Engin Akçakoca “Anti-böhran idarəetməsində beynəlxalq yanaşmalar və Türkiyə təcrübəsi” mövzusunda geniş məruzə ilə çıxış etmişdir.
Bununla yanaşı, forum zamanı maliyyə-bank sisteminin mövcud vəziyyəti, neqativ xarici iqtisadi şokların ölkə iqtisadiyyatına, o cümlədən bank sektoruna təsirlərinin minimallaşdırılması istiqamətində həyata keçirilməli tədbirlər, hazırkı şəraitdə bankların fəaliyyət strategiyalarının yeni tələblərə uyğunlaşdırılması məsələləri ərtafında geniş fikir mübadiləsi aparılmışdır.
Prezentasiyanı buradan yüklə: BankingCrisis Management 1Baku 5 4 2016 (2)