24 yanvar 2020-ci il tarixində Beynəlxalq Valyuta Fondunun (BVF) Azərbaycan üzrə missiyası ilə Azərbaycan Banklar Assosiasiyasına (ABA) üzv banklar arasında görüş keçirilib.
Görüşdə, BVF-nu Azərbaycan missiyasının nümayəndələri Fondun Maliyyə və Kapital Bazarları departamentinin baş iqtisadçısı Kevin Ross və iqtisadçısı Yizhi Xu təmsil ediblər.
Dəyirmi masada, ölkədə bank sektorunun cari vəziyyəti, bankların maliyyə inklüzivliyinin, xüsusilə biznes sektoruna ayrılan kreditlərin həcminin artırılması imkanları, istehlak və biznes kreditləri arasındakı proporsiya və xarici təcrübənin yerli bazarda tətbiqi məsələləri ətrafında fikir mübadiləsi aparılıb.
