15 dekabr 2016-cı il tarixində Azərbaycan Banklar Assosiasiyasının (ABA) “Hüquqi məsələlər üzrə” Ekspert Qrupunun üzvləri Maliyyə Bazarlarına Nəzarət Palatasının (Palata) Hüquq və İcraat Departamentinin nümayəndələri ilə görüşmüşdür.
İclasda məhkəmə qərarlarının icrası mexanizminin və hərrac prosedurlarının sadələşdirilməsi, hərrac qaydalarının təkmilləşdirilməsi, nəticədə girov əmlakının bütün tərəflərin maraqları qorunaraq realizasiyası ilə əlaqədar veriləcək təkliflər müzakirə edilmiş, bu sahədə beynəlxalq təcrübənin öyrənilməsi qərara alınmışdır.
Bundan əlavə, banklarda idarəetmə orqanlarının tərkibi, filial və şöbələrin fəaliyyəti, bankların idarəetmə strukturu ilə əlaqədar məsələlər ətrafında fikir mübadiləsi aparılmışdır.
Həmçinin görüşdə gündəlikdə olan digər hüquqi məsələlər nəzərdən keçirilmişdir.
