21 fevral 2023-cü il tarixində “Ödəniş sistemləri və rəqəmsal bankçılıq üzrə Ekspert Qrupu”nun üzvləri və Dövlət Vergi Xidməti nümayəndələrinin iştirakı ilə birgə onlayn iclas keçirilmişdir.
İclas zamanı “Azərbaycan Respublikasının Vergi Məcəlləsinə dəyişiklik edilməsi haqqında” Qanunun tələblərinin həyata keçirilməsi effektivliyinin artırılması, o cümlədən elektron ticarət fəaliyyəti həyata keçirən qeyri-rezidentlərlə əlaqədar bir sıra məsələlər müzakirə edilmişdir.
Sonda bu istiqamətdə qarşılıqlı müzakirələrin davam etdirilməsi qərara alınmışdır.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda, 25 bank və 5 qeyri-bank təşkilatı ABA-nın üzvüdür.