15 may 2024-cü il tarixində vahid inkasassiya mərkəzinin yaradılması ilə əlaqədar İşçi Qrupun növbəti iclası baş tutmuşdur.
İclasda bu sahədə Türkiyə Respublikasında fəaliyyət göstərən “Bantaş Nakıt ve Kıymetlı Mal Tasıma ve Güvenlik Hızmetlerı A.Ş” (Bantaş) nümayəndələri, İşçi Qrupunda təmsil olunan bankların rəhbər şəxsləri və nağd pul vəsaitlərinin daşınması sahəsində rəhbər məsul şəxsləri, həmçinin Mərkəzi Bankın nümayəndələri də iştirak etmişdir.
Görüş zamanı vahid inkasassiya mərkəzinin yaradılması ilə bağlı müzakirələr aparılmış, Bantaş şirkəti tərəfindən hazırlanmış hesabat təqdim edilmiş, bankların rəy və təklifləri dinlənilmişdir.
Əlavə edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 23 bank və 2 qeyri-bank kredit təşkilatı, 4 digər təşkilat olmaqla, ümumilikdə 29 təşkilat ABA-nın üzvüdür.
