“Müxbir münasibətlərin qurulmasında diqqət edilməli olan məqamlar” adlı vebinar keçirilmişdir

Əlavə edilib:

4 noyabr 2022-ci il tarixində İstanbul şəhərində “Türkdilli Dövlətlərin Banklar Assosiasiyaları Şurası” (Şura) yaradılmışdır. Şura tərəfindən 30 may 2023-cü il tarixində Zoom platforması üzərindən “Müxbir münasibətlərin qurulmasında diqqət edilməli olan məqamlar” adı altında vebinar keçirilmişdir.

Vebinar zamanı maliyyə institutlarının nümunə kimi istifadə edə biləcəyi ən yaxşı beynəlxalq təcrübələr, müxbir hesablar vasitəsilə “müştərini tanı” sorğuları, sanksiya riskləri və digər məsələlər nəzərdən keçirilmişdir. Vebinarın təlimçisi isə “ING Türkiye” Maliyyə Cinayətləri ilə Mübarizə Direktoru, FATF İşçi Qrupunun sədri xanım Fulya Kaptan olmuşdur.

Əlavə edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda, 24 bank və 5 qeyri-bank kredit təşkilatı ABA-nın üzvüdür.

MÜDDƏT